ٹورنٹو۔کینیڈاکے اونٹاریو اور کیوبیک صوبوں میں عالمی وبا کورونا وائرس (کووڈ 19) کے نئے کیسز کی تصدیق کے بعد ملک میں کورونا متاثرین کی تعداد 106000 سے زیادہ ہوگئی ہے ۔منگل کو کینیڈا کے اونٹاریو میں 112 اور کیوبیک میں 60 کورونا وائرس کے نئے کیسز رپورٹ ہوئے ، جس کے بعد ملک میں کورونا متاثرین کی مجموعی تعداد 106107 ہوگئی۔ ملک میں مزید 15 متاثرہ افراد کی موت کے بعد ہلاک شدگان کی تعداد بھی بڑھ کر 8708 ہوگئی ہے ۔ کیوبیک میں کورونا کی وبا کے مزید کیسز رپورٹ ہوئے ہیں جہاں اب تک 55997 افراد متاثر ہوئے ہیں اور 5590 افراد لقمہ اجل بن چکے ہیں۔ اونٹاریو کیوبیک کے بعد کوروناسے دوسرا سب سے متاثرعلاقہ ہے ۔
