واشنگٹن ۔ 14 مئی (سیاست ڈاٹ کام) امریکہ نے کیوبا کو ایک مرتبہ پھر انسداد دہشت گردی کے شعبے میں مکمل تعاون نہ کرنے والے ممالک کی فہرست میں داخل کر دیا ہے۔ امریکی محکمہ خارجہ کے مطابق کیوبا نے کولمبیا کی وہ درخواست مسترد کر دی، جس میں باغی نیشنل لبریشن آرمی ELNگروپ کے رہنماؤں کو کیوبا کے حوالے کرنے کے لیے کہا گیا تھا۔ اس گروپ نے جنوری 2019 میں بگوٹا پولیس اکیڈمی پر حملے کی ذمہ داری قبول کی تھی۔ واضح رہے کہ سابق امریکی صدر باراک اوباما کے دور میں امریکہ اور کیوبا کے درمیان تعلقات میں کچھ بہتری آئی تھی، تاہم صدر ٹرمپ کے دور میں تعلقات میں دوبارہ کشیدگی پیدا ہو گئی ہے۔
