سب سے تیز 7ہزار رن بنانے کا اعزاز
لکھنؤ:لکھنو سوپر جائنٹس اور گجرات ٹائٹنس کے درمیان آئی پی ایل 2023 کا 30واں میچ کھیلا گیا۔ لکھنو کے ایکانا اسٹیڈیم میں ہوئے اس دلچسپ میچ کا فیصلہ میچ کے آخری اوورمیں آیا۔ ٹاس جیت کر پہلے بلے بازی کرتے ہوئے گجرات نے مقررہ 20 اووروں میں 6 وکٹ کے نقصان پر 135 رن بنائے۔ اس کے جواب میں لکھنو کی ٹیم صرف 128 رن ہی بنا پائی اور 7 رن سے میچ ہار گئی۔ لکھنو کے لیے اس مقابلے میں کے ایل راہل نے 68 رنوں کی اننگز کھیلی۔ حالانکہ، وہ اپنی ٹیم کو جیت تو نہیں دلا پائے، لیکن اس دوران انہوں نے ایک بڑا ریکارڈ اپنے نام کیا۔دراصل، گجرات کے خلاف میچ میں کے ایل راہول ٹی ٹوئنٹی میچوں میں سب سے تیز 7 ہزار رنز بنانے والے ہندوستانی بلے باز بن گئے ہیں۔ انہوں نے اس معاملے میں وراٹ کوہلی کو پیچھے چھوڑ دیا ہے جنہوں نے 212 اننگز میں یہ کارنامہ انجام دیا۔ اس کے ساتھ ہی کے ایل راہل نے 197 اننگز میں سات ہزار T20 رنز بھی مکمل کر لیے ہیں۔اس فہرست میں تیسرے نمبر پر شیکھر دھون ہیں۔ دھون نے 246 اننگز میں سات ہزار ٹی ٹوئنٹی رنز مکمل کیے جب کہ سریش رائنا نے یہ سنگ میل عبور کرنے میں 251 اننگز کا وقت لیا جب کہ روہت شرما نے 258 اننگز میں یہ کارنامہ انجام دیا۔