حیدرآباد 9 جولائی (سیاست نیوز) چیف منسٹر کے چندر شیکھر راؤ نے اپنی شریک حیات شوبھا اور پارٹی قائدین کے ہمراہ آج سکندرآباد کے اجین مہاکالی مندر پہنچ کر بونال تقاریب میں روایتی سلک ساری پیش کی۔ چیف منسٹر نے خصوصی پوجا میں حصہ لیا۔ مندر پجاریوں نے چیف منسٹر اور انکی شریک حیات کا استقبال کیا۔ وزراء اندرا کرن ریڈی، سرینواس یادو، سرینواس گوڑ، ملاریڈی، ایم پی ڈاکٹر کیشوراؤ اور دیگر موجود تھے۔ چیف منسٹر نے ڈپٹی اسپیکر اسمبلی پدماراؤ کی قیام گاہ پر مندر میں پوجا کی۔ پدماراؤ نے ظہرانہ ترتیب دیا ۔ سکندرآباد اجین مہاکالی مندر میں بونال تقاریب کیلئے وزیر سرینواس یادو کی نگرانی میں انتظامات کئے گئے۔ اسی دوران چیف منسٹر نے تلنگانہ تحریک میں اہم رول ادا کرنے والے گلوکار سائی چند کو خراج پیش کیا۔ سائی چند کا حال میں دیہانت ہوا اور چیف منسٹر نے کابینی رفقاء کے ہمراہ دسویں میں شرکت کی۔ انہوں نے سائی چند کی بیوہ رجنی و افراد خاندان کو پرسہ دیا۔ سائی چند ویر ہاوزنگ کارپوریشن صدر نشین تھے۔ ان کے دیہانت پر حکومت نے بیوہ کو کارپوریشن صدر نشین مقرر کیا ۔ پر ریاستی وزراء وی سرینواس گوڑ، محمد محمود علی، سبیتا اندرا ریڈی، جی کملاکر، نرنجن ریڈی، رکن اسمبلی بی سمن اور دوسرے موجود تھے۔ ر
