بھوپال: مدھیہ پردیش کے وزیر داخلہ نروتم مشرا نے کہا کہ جو لوگ کورونا کے رہنما خطوط پر عمل نہیں کریں گے ان پر سخت سزا اور جرمانہ لگایا جائے گا۔میڈیا سے بات چیت کرتے ہوئے مسٹر مشرا نے کہا کہ ریاست میں کورونا کے رہنما خطوط پر عمل نہ کرنے والوں پر سخت سزا اور جرمانہ لگایا جائے گا۔ پولیس ماسک کے حوالے سے آگاہی مہم چلائے گی۔ انہوں نے کہا کہ ریاست میں کورونا کے کیسز بڑھ رہے ہیں۔ لوگ گھبرائیں نہیں بلکہ احتیاط برتیں۔انہوں نے کہا کہ حکومت نے کورونا کے علاج کے لیے مکمل انتظامات کیے ہیں۔مسٹرمشرا نے کہا کہ ریاست میں کورونا کے کیسز بڑھ رہے ہیں اور گزشتہ 24 گھنٹوں میں کورونا کے 308 نئے کیس سامنے آئے ہیں۔ اندور میں کل نئے کیسوں میں ڈیلٹا اور اومی کرون کی اقسام کے 50-50 فیصدکیس ہیں۔انہوں نے بتایا کہ اس وقت ریاست میں کورونا کے کل ایکٹیو کیسز 1029 ہیں۔ کورونا انفیکشن کی شرح 0.53 فیصد اور صحت یابی کی شرح 98.60 فیصد ہے ۔
