حیدرآباد : منگل ہاٹ پولیس نے ایک عادی ملزم کو گرفتار کرتے ہوئے اس کے قبضہ سے 6 کیلو گانجہ ضبط کرلیا۔ گانجہ کی غیر قانونی منتقلی اور فروخت کے خلاف جاری خصوصی مہم میں منگل ہاٹ پولیس نے کامیابی حاصل کی اور منگل ہاٹ کے ساکن 33 سالہ لاکھن سنگھ کو گرفتار کرلیا۔ جبکہ اس کے دیگر ساتھی رشتہ دار 23 سالہ ابھیشک سنگھ، 38 سالہ وکاس سنگھ اور شیوا سنگھ 20 سالہ مفرور بتائے گئے ہیں۔ لاکھن سنگھ نے اپنے رشتہ داروں کے ہمراہ 15 کیلو گانجہ کی خریداری کی تھی اور 6 کیلو گانجہ کو فروخت کرنے کی کوشش میں تھا۔ اطلاع کے بعد کارروائی کرتے ہوئے پولیس نے علاقہ گھوڑے کی قبر سے لاکھن سنگھ کو گرفتار کرلیا۔ جبکہ ملزمین مفرور بتائے ئے ہیں۔ لاکھن سنگھ کئی مجرمانہ سرگرمیوں میں ملوث ہے۔ سال 2015 ء میں اس کے خلاف پی ڈی ایکٹ جاری کیا گیا تھا۔
