کانگریس ضلع صدر نرمل کی تہنیتی تقریب ، یوسف احمد خان کا خطاب
نرمل ۔ 27 نومبر (سیاست ڈسٹرکٹ نیوز) آل انڈیا کانگریس کمیٹی کی جانب سے ضلع ضلع کانگریس نرمل کی حیثیت سے حلقہ اسمبلی خانہ پور کے موجودہ رکن اسمبلی ویڈمابوجو کو مقرر کیا گیا ہے۔ حلقہ اسمبلی خانہ پور کے پارٹی قائدین و کارکنوں میں ان کی صدارت کو لے کر خوشی کا اظہار کیا جارہا ہے۔ وہیں اوٹنور اب کانگریس پارٹی آفس کو پہنچ کر خانہ پور کے قائدین نے رکن اسمبلی و نومنتخب صدر ضلع نرمل بنائے جانے پر مبارکباد پیش کرتے ہوئے ان کی بکثرت گلپوشی و شال پوشی کرتے ہوئے تہنیت پیش کی، جن میں قابل ذکر یوسف احمد خاں سابق معاون رکن ضلع پریشد کے گنگا نرسیا یوتھ کانگریس قائد راہل کے علاوہ گنگا دھر ایم ستیہ نارائنا ، این ستیہ نارائنا، این شیام اقلیتی قائد شوکت پاشاہ اور دیگر موجود تھے۔ دریں اثناء یوسف احمد خاں سابق معاون رکن ضلع پریشد نے کہا کہ کانگریس ہی وہ واحد سیاسی جماعت ہے جو ملک میں ایک مستحکم حکومت فراہم کرسکتی ہے۔ گاندھی خاندان کی قربانیاں کھلی کتاب کی طرح عوام کے سامنے ہیں۔ عوامی خدمات کا ایک تاریخی ریکارڈ رکھنے والی اس جماعت کی قدآور قائد آنجہانی اندرا گاندھی کو گولیوں سے چھلنی کردیا گیا تھا۔ سونیا گاندھی کی مانگ کا سندور اُجاڑ دیا گیا، پھر بھی اس خاندان نے ملک کے عوام کی خدمات کے جذبہ کو برقرار رکھتے ہوئے راہول گاندھی نے ملک میں بھارت جوڈو یاترا کے ذریعہ تمام طبقات کو یکجا کرتے ہوئے نفرت کے ماحول کو ختم کرنے کیلئے مسلسل جدوجہد کررہے ہیں۔ تمام طبقات کی ذمہ داری ہے کہ وہ آنے والے دنوں میں سرپنچوں کے انتخابات میں کانگریس کو کامیاب بناتے ہوئے پارٹی کو مستحکم کریں۔ ملک ہو یا ریاست ایک مستحکم حکومت صرف اور صرف کانگریس سے ہی ممکن ہے۔
