لندن، 21 نومبر (سیاست ڈاٹ کام) برطانیہ کی دو اعلیٰ سطحی سکھ تنظیموں نے اپنے مذہب کے بانی گرو نانک دیو کے 550 ویں ‘پرکاش پرو’ کے موقع پر پاکستان کے وزیر اعظم عمران خان کو کارنامۂ حیات ایوارڈ سے نوازا ہے ۔قابل غور ہے کہ گذشتہ 9 نومبر کو مسٹر خان نے اپنے ملک میں سکھوں کے عقیدے سے منسلک کرتارپور کوریڈور کا افتتاح کیا تھا۔ وزیر اعظم نریندر مودی نے بھی اس دن ہندوستان کے حصے کا اس کوریڈور کا افتتاح کیا تھا۔مسٹر خان کو اعزاز سے نوازنے کی تقریب یہاں سٹی ہال میں منعقد کی گئی۔ اس تقریب کا اہتمام لندن کے میئر صادق خان کے تعاون سے سکھ نیٹ ورک، سکھ فیڈریشن اور لندن اسمبلی کے رکن ڈاکٹر اونکار ساھسوتا نے مل کر کیا تھا۔اس پروگرام میں برطانیہ کی درجنوں سکھ شخصیات اور دیگر افراد نے شرکت کی۔ اس میں گرو نانک دیو جی کی زندگی اور تعلیمات پر بحث کرتے ہوئے ان کے عالمگیر پیغام ‘سربت دا بھلا’ پر توجہ مرکوز کی گئی۔برطانیہ اور یوروپ میں مسٹر خان کے لئے تجارت اور سرمایہ کاری کے ترجمان صاحبزادہ جہانگیر نے مسٹر خان کی جانب سے انعام حاصل کیا۔مسٹر جہانگیر نے کہا کہ کرتارپور کوریڈور نے سکھوں کے خیالات ثقافتوں اور ممالک کے درمیان ایک پل کے طور پر مضبوط کیا۔ انہوں نے کہا‘‘عمران خان حکومت کے لئے یہ فخر کی بات ہے کہ گرو نانک دیو کے جشن کے وقت میں کرتارپور آنا سکھ برادری کے لئے ممکن بنانے کے لئے کرتارپور کوریڈور پر نو ماہ کی سب سے کم مدت میں زبردست کام پورا کیا گیا تھا ۔لندن کے میئر نے مہمانوں کا استقبال کیا اور برطانیہ میں سکھوں کی کامیابیوں اور شراکت و تعون پر روشنی ڈالی۔ مسٹر خان نے سکھ برادری اور سکھ مذہب کی تعلیمات کو مساوات، قبولیت اور اتحاد کے لئے کوششوں کی بھی ستائش کی ۔