نئی دہلی: گیانواپی کیس میں ہندو فریق کی جلد سماعت کے مطالبے پر سپریم کورٹ 10 نومبر کو سماعت کرے گا۔ درحقیقت، گیان واپی مسجد میں مبینہ شیولنگ ایریا کو محفوظ رکھنے کے سپریم کورٹ کے حکم کی میعاد 12 نومبر کو ختم ہو رہی ہے۔ اس لیے ہندو فریق سپریم کورٹ پہنچا ہے۔ہندو فریق کا مطالبہ ہے کہ اس معاملے کی سماعت 12 نومبر سے پہلے کی جائے۔ اب سپریم کورٹ بھی ایسا کرنے کو تیار ہے۔ دراصل، ہندو فریق اس معاملے میں وارانسی کورٹ کے فیصلے سے مطمئن نہیں ہے۔ ہندو فریق کے وکیل سدھیر ترپاٹھی نے این ڈی ٹی وی سے خصوصی بات چیت میں کہا کہ عدالت نے ہماری درخواست کو مسترد کر دیا ہے جس میں ہم نے کاربن ڈیٹنگ کی درخواست کی تھی۔
