نئی دہلی: اگلے سال یعنی 2024 میں ہونے والے لوک سبھا انتخابات کے لیے حزب اختلاف بنگلورو میں میٹنگ کر رہا ہے۔ باقائدہ اجلاس آج یعنی منگل 18 جولائی کو ہو گا۔ جس کے بارے میں کانگریس رہنمائوں نے جانکاری دی۔ جس میں انہوں نے بتایا کہ اجلاس کا باقاعدہ آغاز آج صبح 11 بجے ہوگا، اس اجلاس میں 26 جماعتیں حصہ لے رہی ہیں۔ اس دوران کانگریس لیڈر کے سی وینوگوپال نے ای ڈی اور سی بی آئی کا بھی ذکر کیا اور کہا کہ ان کا استعمال کرکے اپوزیشن کی آواز کو دبانے کی کوشش کی جارہی ہے۔کے سی وینوگوپال کی جانب سے کہا کہ ہم سب جمہوریت، آئینی حقوق کے تحفظ اور اپنے اداروں کی آزادی کو یقینی بنانے کے مشترکہ مقصد کے لیے متحد ہیں۔
