کولکتہ: انٹیلی جنس معلومات کی بنیاد پر، ہاوڑہ ضلع سے متصل کولکتہ کے گولباری پولیس اسٹیشن کے پولیس اہلکاروں نے رات دیرگئے ہاوڑہ اسٹیشن کے قریب سے 9غیر قانونی بنگلہ دیشی تارکین وطن کو گرفتار کیا۔ جس میں ایک مقامی بھارتی ایجنٹ کو بھی گرفتار کیا گیا ضلعی پولیس ذرائع نے بتایا کہ انہیں اطلاع ملی تھی کہ یہ نو غیر قانونی بنگلہ دیشی تارکین وطن وہاں بسنے کے ارادے سے ہاوڑہ پہنچے ہیں۔ اسی مناسبت سے گولابڑی پولس تھانے کے اہلکاروں نے ہاوڑہ اسٹیشن سے متصل علاقوں میں نظر رکھنا شروع کردی۔ اس اسکریننگ کے عمل کے دوران انہوں نے دوکاریں دیکھیں۔ انہوں نے گاڑیوں کو روکا اور مسافروں سے شناختی ثبوت کا مطالبہ کیا۔ اس کے بعد انکشاف ہواکہ دس مسافروں میں سے نوغیر قانونی بنگلہ دیشی باشندے تھے، جن میں چھ مرد اور تین خواتین تھیں۔ ان پر1946 کے فارنرز ایکٹ کی مختلف دفعات کے تحت مقدمہ درج کیا گیا ہے۔ ضلعی پولیس ذرائع نے بتایا کہ ان میں سے کسی کے پاس بھی ہندوستان آنے کے لیے مناسب دستاویزات نہیں تھے اور ان کے ساتھ گرفتار مقامی ایجنٹ نے غیر قانونی طور پر سرحد عبور کرنے میں مدد کی۔
