کولکاتا : مغربی بنگال کی وزیر اعلیٰ ممتا بنرجی نے 2026 میں ہونے والے اسمبلی انتخابات کے لیے ایک نیا ہدف مقرر کیا ہے۔ 294 سیٹوں پر ہونے والے انتخابات کے لیے ممتا بنرجی نے کہا کہ ہمارا ہدف 215 سے زیادہ سیٹیں جیتنا ہے۔ ان کی پارٹی ترنمول کانگریس (ٹی ایم سی) مغربی بنگال میں بی جے پی کی نشستوں کی تعداد کو کم کرنے کی پوری کوشش کرے گی۔سال 2021 کے اسمبلی انتخابات میں بی جے پی نے 77 سیٹیں جیتی تھیں۔ ٹی ایم سی پارٹی میٹنگ سے خطاب کرتے ہوئے انہوں نے کہا کہ ہم اگلے بنگال اسمبلی انتخابات میں 294 میں سے 215 سے زیادہ سیٹیں جیتیں گے۔ بی جے پی پر حملہ کرتے ہوئے ٹی ایم سی سپریمو نے کہا کہ بی جے پی نے پچھلے الیکشن میں جو نعرہ دیا تھا وہ بھی یاد آگیا۔ 2021 کے اسمبلی انتخابات میں بی جے پی لیڈروں نے کہا تھا کہ وہ 200 سے زیادہ سیٹیں جیتیں گے، لیکن وہ الیکشن ہار گئے۔سال 2024 کے لوک سبھا انتخابات میں بی جے پی نے 400 کو پار کرنے کا دعویٰ کیا تھا، لیکن وہ اکثریت حاصل نہیں کرسکی۔ انہوں نے کہا کہ ہمیں دو تہائی اکثریت ملے گی لیکن آپ کو اس سے بھی بڑی جیت یقینی بنانا ہوگی۔
