راولپنڈی: بانی پاکستان تحریک انصاف عمران خان نے فوج سے مذاکرات پر رضا مندی ظاہر کردی۔ اڈیالہ جیل کے کمرہ عدالت میں صحافیوں سے غیر رسمی گفتگو میں عمران نے کہا کہ ہم فوج کے ساتھ مذاکرات کیلئے تیار ہیں، فوج اپنا نمائندہ مقرر کرے ہم مذاکرات کریں گے ۔ سوال کیا گیا کہ آپ فوج پر الزامات لگاتے ہیں اور ان ہی سے مذاکرات بھی چاہتے ہیں، سیاسی جماعتوں سے مذاکرات کیوں نہیں کرتے ؟ عمران نے جواب دیا کہ ہم مذاکرات کیلئے تیار ہیں۔
