نئی دہلی: سری لنکا سے ایک ہائی ٹیک چینی ‘جاسوس’ جہاز کو اپنے پانیوں میں رہنے کی اجازت دینے پر مرکزی وزیر سربانند سونووال نے کہا کہ ہندوستان کسی بھی قسم کے چیلنج سے نمٹنے کے لیے پوری طرح تیار ہے۔ سری لنکا نے ہندوستان کے خدشات کے باوجود چینی تحقیقی جہاز یوآن وانگ 5 کو 16 اگست سے 22 اگست تک ہمبنٹوٹا بندرگاہ پر لنگر انداز ہونے کی اجازت دے دی ہے۔بندرگاہوں، جہاز رانی اور آبی گزرگاہوں کے وزیر سونووال نے نامہ نگاروں کے ایک سوال کے جواب میں کہا، ’’ہم وزیر اعظم نریندر مودی کی متحرک قیادت میں کسی بھی قسم کی صورتحال سے مؤثر طریقے سے نمٹنے کے لیے تیار ہیں۔‘‘
