ڈھاکہ، 10 اکتوبر (سیاست ڈاٹ کام) بنگلہ دیش کی وزیر اعظم شیخ حسینہ نے کہا ہے کہ 3سے 6 اکتوبر تک ہندوستان کے ان کاچار روزہ سرکاری دورہ کے بعد بنگلہ دیش اور ہندوستان کے دوطرفہ تعلقات ایک نئی اونچائی تک پہنچ گئے ہیں۔محترمہ حسینہ نے چہارشنبہ کو یہاں حال ہی میں ہندوستان اور امریکہ کے اپنے دورے کے نتائج کو لے کر صحافیوں سے کہا ہے کہ ہندوستان کے ان کے چار روزہ دورہ کے بعد بنگلہ دیش اور ہندوستان کے درمیان دو طرفہ تعلقات کو رفتار ملی ہے ۔وزیر اعظم حسینہ نے اپنے ہندوستان دورہ کے دوران عالمی اقتصادی فورم کے ہندوستانی اقتصادی سربراہی اجلاس میں حصہ لیا تھا اور وزیر اعظم نریندر مودی کے ساتھ دو طرفہ بات چیت کی تھی۔ انہوں نے نیویارک میں اقوام متحدہ کی جنرل اسمبلی کے اجلاس میں حصہ لینے کے لئے امریکہ کا 8 روزہ دورہ کیا تھا۔
