نئی دہلی : ہندوستان میں آج بروز جمعہ شوال المکرم 1444 ھ کا چاند نظر آیا ۔ لہذا ہفتہ /22 اپریل کو ہندوستان میں عیدالفطر منائی جائے گی ۔ ملک کے مختلف حصوں سے رویت ہلال کی شہادت ملی ہے ۔ پاکستان اور بنگلہ دیش میں بھی ہفتہ کو عیدالفطر منانے کا اعلان کیا گیا ہے ۔ صدرجمہوریہ دروپدی مرمو نے شہریوں کو عید کے موقع پر مبارکباد دی ہے ۔ راشٹرپتی بھون سے جاری کردہ بیان میں کہا گیا کہ عید ہمیں باہمی ہم آہنگی کا پیغام دیتی ہے ۔
