کورونا کیخلاف ویکسن کی تیاری میں بھی ایک دوسرے سے تعاون
واشنگٹن ، 16 مئی ( سیاست ڈاٹ کام ) امریکی صدر ڈونلڈ ٹرمپ نے عالمی وبا کورونا وائرس (کووڈ -19) کے خلاف لڑائی میں ہند – امریکہ شراکت داری کو اہم قرار دیتے ہوئے ہندوستان کو وینٹی لیٹر فراہم کرنے کا اعلان کیا ہے۔ ٹرمپ نے کل اپنیٹویٹ کہا کہ’ مجھے یہ اعلان کرتے ہوئے فخر محسوس ہو رہا ہے کہ امریکہ اپنے دوست ہندوستان کو وینٹی لیٹر دے گا۔ اس وبا کے دوران ہم ہندوستان اور وزیر اعظم نریندر مودی کے ساتھ کھڑے ہوئے ہیں۔ ہم کووڈ -19 کی ویکسین تیار کرنے کی سمت میں بھی تعاون کر رہے ہیں۔ ہم ساتھ مل کر اس دشمن کو ہرائیں گے‘‘۔ ٹرمپ نے کہا کہ ہندوستان اور امریکہ کووڈ -19 کا ٹیکہ تیار کرنے کی سمت میں ایک دوسرے کے ساتھ تعاون کر رہے ہیں۔ ہم ساتھ مل کر اس پوشیدہ دشمن کو ہرائیں گے۔ واضح رہے کہ ہندوستان نے اپریل میںکووڈ -19 کے خلاف لڑائی میں امریکہ کی ا مداد کے تحت ہائیڈروکلوروکوئین ادویات کی بڑی کھیپ بھیجی تھی ، جس کے بعد ٹرمپ نے مودی کی قیادت کو مضبوط قرار دیتے ہوئے ان کی تعریف کی تھی اور ہندوستان کا شکر ادا کیا تھا۔ واضح ر ہے کہ امریکہ میں یہ وبا خوفنا شکل اختیار کر چکی ہے اور اب تک 14 لاکھ سے زائد افراد اس سے متاثر ہو چکے ہیں۔ ہندوستان میں بھی کورونا کے کیسز کافی تیزی سے بڑھ رہے ہیں اور متاثرین کی تعداد چین سے زائد ہو گئی ہے۔جان ہاپکنز یونیورسٹی کے سائنس اور انجینئرنگ سینٹر (سی ایس ایس ای ) کی جانب سے جاری کئے گئے تازہ اعداد و شمار کے مطابق امریکہ میں کوروناوائرس سے ہلاک ہونے والوں کی تعداد 87 ہزار سے بڑھ کر 87427 پہنچ گئی ہے جبکہ متاثرین کی تعداد 14 لاکھ کا ہندسہ پارکر کر کے 1441172 ہو گئی ہے۔
کوویڈ -19 ویکسین: ٹرمپ نے نئی مہم کا اعلان کیا
واشنگٹن16 مئی ( سیاست ڈاٹ کام) عالمی وبا کورونا وائرس (کووڈ -19) سے شدید متاثر امریکہ میں اس کی ویکسین تیار کرنے کا کام کافی تیز رفتار سے چل رہا ہے۔ امریکی صدر ڈونلڈ ٹرمپ نے کل کہا کہ کوویڈ۔ 19کی ویکسین تیار کرنے کے ’ آپریشن وارپ ریپڈ‘ نامی مہم میں سابق فارماسیوٹیکل ایگزیکٹو مونسیف سلوئی اور امریکی فوج کی مٹیریل کمان کے کمانڈر جنرل گستاو پیرن اہم کردار ادا کریں گے اور اس کی قیادت کریں گے۔ ٹرمپ نے جمعہ کی دوپہر وائٹ ہاؤس کے روز گارڈن میں صحافیوں کو یہ اطلاع دی۔ انہوں نے کہا کہ کوویڈ۔ 19 کی ویکسین تیار کرنے کی کوششوں کو تیز کرنے کے لئے یہ نیا منصوبہ شروع کیا گیا ہے جوکہ وفاقی ایجنسیوں کے درمیان ایک تاریخی شراکت داری ہے۔ ٹرمپ نے کہا کہ حکومت کووڈ -19 کی ویکسین تیار کرنے کی سمت میں کام کر رہی تقریباََ 100 ٹیموں کے کاموں کا جا ئزہ لے رہے ہیں جس سے 14 ٹیموں کو امید افزا نتائج برآمد ہو رہے ہیں۔