٭ جموں و کشمیر سے متعلق دستورکی دفعہ 370 کی منسوخی پر پاکستان کی طرف سے ہندوستان کے ساتھ تعلقات میں کمی کئے جانے کے بعد وزارت امورخارجہ نے کہا ہیکہ ’’جموں و کشمیر سے متعلق ہندوستان کے اقدامات پر پاکستان الجھن کا شکار ہے‘‘۔ وزارت امورخارجہ کے ایک ترجمان راویش کمار نے مزید کہا کہ پاکستان کی طرف سے کئے جانے والے اقدامات یکطرفہ ہیں۔ انہوں نے کہا کہ ’’پاکستان کیلئے اب وقت آ گیا ہیکہ وہ حقیقت کو تسلیم کرے اور دوسرے ممالک کے داخلی معاملات میں مداخلت کرنا بند کیا جائے‘‘۔
