سنگا ریڈی میں پی پراونیا ضلع کلکٹر کا خطاب
سنگاریڈی 26 نومبر (سیاست ڈسٹرکٹ نیوز) سنگاریڈی امبیڈکر لاء کالج میں ہندوستانی یوم دستور کی تقریبات میں سنگاریڈی ضلع کلکٹر پی پراونیا نے کہا کہ ہمارا ہندوستانی آئین تمام ممالک کے آئین میں سب سے اعلیٰ ہے۔ ضلع کلکٹر پی پراونیا ضلع قانونی خدمات اتھارٹی کے سکریٹری سوجنیا، ضلع ایس پی پریتوش پنکج نے سنگاریڈی امبیڈکر گورنمنٹ لاء کالج میں ہندوستانی یوم دستور کے موقع پر منعقدہ ہندوستانی یوم دستور کی تقریبات میں شرکت کی چراغ روشن کے ساتھ پروگرام کا آغاز کیا طلباء ، فیکلٹی اور کالج کے عملے نے ہندوستان کے قومی آئین کا عہد پڑھا اور لگن کے ساتھ آئین کی اقدار کو برقرار رکھنے کا عہد کیا اس موقع پر کلکٹر نے لاء کالج کے طلباء سے خطاب کیا انہوں نے کہا کہ ہندوستانی آئین دنیا کا سب سے بڑا تحریری آئین ہے۔ انہوں نے کہا کہ ہندوستانی آئین ہمیشہ نیا رہا ہے۔ انہوں نے کہا کہ ہندوستانی آئین نے ہمیں آئینی ترمیمی ایکٹ کے ذریعے اپنے آئین میں اس وقت کے حالات کے مطابق تبدیلیاں اور اضافے کرنے کی سہولت فراہم کی ہے۔ کلکٹر نے کہا کہ ہمارے آئین کے دائرہ کار میں عوام، عہدیداروں اور عوامی نمائندوں کو یکساں مواقع اور مساوی اختیارات فراہم کئے گئے ہیں۔ انہوں نے کہا کہ ہندوستانی آئین کے تحفظ میں قانون کے طالب علموں کا کردار ناقابل فراموش ہے۔ اس موقع پر لاء کالج کے پرنسپل، وائس پرنسپل، فیکلٹی ممبران اور طلباء نے شرکت کی۔
