ہنمکنڈہ ۔ حکومت تلنگانہ کی جانب سے ضلع ہنمکنڈہ میں پرائمری سطح پر اردو میڈیم اساتذہ کرام کا سہ روزہ تربیتی پروگرام گورنمنٹ گرلز ہائی اسکول پٹرول پمپ، ہنمکنڈہ میں 30 جولائی تا 2 اگسٹ 2022 تک منعقد ہوا۔ جس کامشاہدہ آج جناب اے سرینواس ڈسٹرکٹ کوآرڈینیٹرنے کیا۔اس موقع پر انہوں نے اساتذہ کو مخاطب کرتے ہوئے کہا کہ اس تربیتی پروگرام کا مقصد پرائمری سطح پر طلبا کے معیار تعلیم کو بڑھانا ہے، خصوصا وبائی مرض کورونا کی وجہ سے ملک بھر میں جو مکمل تالہ بندی کی گئی تھی جس کی وجہ سے طلبہ کی تعلیم کا نقصان ہوا اور تعلیمی معیار شدید متاثر ہواتھا ، لہذا حکومت نے تعلیمی معیار کو بہتر بنانے کی غرض سے بنیادی خواندگی و اعداد شناسی کے نام سے ریاستی سطح پر ٹیچرز کے لئے سہ روزہ تربیتی پروگرام کا اہتمام کیا ہے۔ پروگرام کے آخر میں جناب سید عظیم قریشی ،(اردو پنڈت) نے بھی اپنے تاثرات کا اظہار کیا۔ جناب محمد سلیم احمد(اردو معلم) نے مندوبین کاشکریہ کیا۔اس تربیتی پروگرام میں محترمہ آمنہ اختر ، محمد نہال ،محترمہ آسیہ صدیقہ اور جناب محمد صابر الدین نے ڈسٹرکٹ رسورس پرسنس کی حیثیت سے خدمات انجام دیں۔ محترمہ وی پدماوتی اسکول کامپلیکس ہیڈ مسٹرز نے پروگرام کی نگرانی کی۔
