لندن / کیف : برطانوی وزیر اعظم بورس جانسن نے گزشتہ روز جنگ زدہ ملک یوکرین کا دورہ کیا جہاں انہوں نے کیف میں یوکرینی صدر ولودیمیر زیلنسکی سے ملاقات کی اور ان کے ہمراہ دارالحکومت کا دورہ بھی کیا۔اس موقع پر انہوں نے اعلان کیا کہ لندن یوکرین کے لیے ایک نیا مالی اور فوجی امدادی پیکج تیار کر رہا ہے۔جانسن نے کہا کہ یہ امدادی پیکج اس بات کا ثبوت ہے کہ ان کے ملک نے فروری کے اواخر سے روس کے خلاف اور یوکرین کی حمایت کرنے کے عزم کا اظہار کیا ہے۔جانسن نے ٹویٹر پر کہا کہ انہوں نے کیف میں یوکرین کے صدر ولادیمیر زیلنسکی سے ملاقات کی تاکہ وہ اپنے ملک کے لیے اپنی غیر متزلزل حمایت ظاہر کریں۔قبل ازیں یوکرینی ایوان صدر نے ہفتے کے روز اطلاع دی تھی کہ برطانوی وزیر اعظم جانسن یوکرین کے دارالحکومت کیف پہنچے اور صدر زیلنسکی سے ملاقات کی۔ خبر کے مطابق یوکرینی صدر کے معاون آندرے سبیہا نے فیس بک پر ان دونوں کی تصویر پوسٹ کرتے ہوئے کہا کہ جانسن کا دورہ کیف کے دوران ان کی زیلنسکی کے ساتھ دو طرفہ ملاقات سے شروع ہوا ہے۔ڈاؤننگ اسٹریٹ نے اعلان کیا کہ برطانوی وزیر اعظم یوکرینی عوام کے ساتھ اظہار یکجہتی کے لیے کیف گئے ہیں۔لندن نے کہا کہ جانسن زیلنسکی کے ساتھ یوکرین کو مزید دفاعی اور مالی امداد بھیجنے پر بات کر رہے ہیں۔یوکرین میں روسی فوجی آپریشن کے آغاز کے بعد کسی مغربی اہلکار کا کیف کا یہ سب سے بڑا دورہ ہے۔گزشتہ چہارشنبہ کے روزبرطانیہ نے کئی روز قبل یوکرین کے دارالحکومت سے روسی افواج کے انخلاء سے قبل کیف کے آس پاس ہونے والی خلاف جنگی ورزیوں اور لاشوں اور اجتماعی قبروں کی مذمت کی ہے۔وزیر اعظم جانسن نے کہا کہ کیف کے شمال مغرب میں بوچا اور یوکرین کے دیگر قصبوں میں جو کچھ ہوا، وہ نسل کشی کے مترادف تھا۔
