گورکھپور: کھیلوں میں دلچسپی رکھنے والے اتر پردیش کے چیف منسٹر یوگی آدتیہ ناتھ نے جمعہ کو شوٹنگ رینج میں رائفل سے درست نشانہ لگا کر سب کو حیران کر دیا۔یوگی نے گورکھپور کے بھاٹی وہار کالونی میں نو تعمیر شدہ منی اسپورٹس کمپلیکس کی افتتاحی تقریب میں اس کے شوٹنگ رینج میں رائفل سے ہدف پر نشانہ بھی لگایا۔ چیف منسٹر کی درست شوٹنگ دیکھ کر وہاں موجود لوگ دنگ رہ گئے ۔ وزیر اعلیٰ نے پہلے ہی شاٹ میں ‘بلس آئی’ ٹارگٹ کو نشانہ بنایا، یعنی 100 فیصد درستگی کے ساتھ ہدف پر نشانہ لگایا۔وزیراعلیٰ کو کھیلوں میں بہت دلچسپی ہے ۔ اس میں بھی روایتی ہندوستانی کھیلوں کے ساتھ شوٹنگ سے ان کی وابستگی اکثر عوامی طور پر دیکھی جاتی ہے ۔ وہ جب بھی فوجی نمائشوں اور کھیلوں کی اکیڈمیوں یا کھیلوں کے مراکز میں جاتے ہیں تو وہ خود کو شوٹنگ کی مشق سے نہیں روک پاتے ۔ گورکھپور میں وزیر اعلیٰ یوگی آدتیہ ناتھ نے اس منی اسپورٹس کمپلیکس کے معائنہ اور سینک اسکول کے افتتاح کے دوران بھی شوٹنگ کی مشق میں ہاتھ آزمایا ہے ۔
یوگی کا نئے سال کے پہلے جنتا درشن میں انصاف کا تیقن
گورکھپور: اتر پردیش کے وزیر اعلی یوگی آدتیہ ناتھ سخت سردی کے باوجود جمعہ کو نئے سال کے پہلے جنتا درشن میں گورکھ ناتھ مندر پہنچے اور لوگوں سے ملاقات کرکے ان کے مسائل سنے اور ان کے تسلی بخش حل کا یقین دلایا۔گورکھناتھ مندر کے دورے کے دوران وزیر اعلی یوگی آدتیہ ناتھ نے جمعہ کی صبح جنتا درشن میں تقریباً 150 لوگوں سے ملاقات کی اور ان کے مسائل سنے ۔ تمام درخواستوں کو متعلقہ حکام کے حوالے کرتے ہوئے فوری اور تسلی بخش حل کی ہدایات دیں اور عوام کو یقین دلایا کہ حکومت ہر متاثرہ کے مسائل حل کرنے کے لیے پرعزم ہے ۔انہوں نے سب کو یقین دلایا کہ کسی کے ساتھ ناانصافی نہیں ہوگی۔ اس دوران انہوں نے عہدیداروں کو ہدایت دی کہ ہر متاثرہ کے مسائل پر فوری کارروائی کی جائے ۔ وزیر اعلیٰ کے سامنے جنتا درشن میں کئی لوگ علاج کے لیے مالی مدد کی درخواست کرنے پہنچے تھے ۔ یوگی نے انہیں یقین دلایا کہ حکومت علاج کے لیے پوری مدد فراہم کرے گی۔ ان کی درخواستیں عہدیداروں کو سونپتے ہوئے وزیراعلیٰ نے ہدایت دی کہ علاج سے متعلق تخمینہ لگانے کا عمل جلد از جلد مکمل کرکے حکومت کو فراہم کیا جائے ۔