نئی دہلی :اترپردیش شیعہ وقف بورڈ کے سابق چیئرمین وسیم رضوی کی 26 آیاتِ قرآنی کو ہٹانے کے لئے دی گئی درخواست کی سپریم کورٹ 12 اپریل کو سماعت کرے گی۔ جسٹس فلی نریمن کی زیرقیادت تین رکنی بنچ اس معاملے کی سماعت کرے گی۔ وسیم رضوی کا کہنا ہے کہ مدرسوں میں بچوں کو قرآن کی ان آیات کو پڑھایا جارہا ہے جس سے ان کا ذہن شدت پسندی کی طرف گامزن ہورہا ہے۔ رضوی نے اپنی درخواست میں کہا ہے کہ قرآن کی ان 26 آیات میں دہشت گرد اورتشدد کی تعلیم دی گئی ہے اور دہشت گردی کو فروغ دینے والی کسی بھی تعلیم کو روکا جائے۔ رضوی نے کہا ہے کہ ملک کے مفادات کے لیے عدالت کو ان آیتوںکو ہٹانے کا حکم دینا چاہئے۔