کولکتہ : کلکتہ ہائی کورٹ نے ترنمول کانگریس کے جنرل سیکریٹری ابھیشیک بنرجی کو بیرون ملک جانے کی اجازت دیدی ہے اور ای ڈی کے دلائل کو مسترد کردیا ہے ۔کلکتہ ہائی کورٹ کے جسٹس وویک چودھری نے جمعرات کو تفصیلی سماعت کے بعد یہ فیصلہ جاری کیا ہے ۔ ای ڈی کے وکیل نے بیرون ملک سفر کے خلاف متعدد دلائل دیتے ہوئے کہا کہ بنرجی کی درخواست نامکمل ہے اس لئے اس پر سماعت نہیں کی جائے ۔تاہم عدالت نے ای ڈی کے وکیل کی دلیل کو مسترد کر دیا۔ سماعت کے بعد عدالت نے کہا کہ ابھیشیک بنرجی ای ڈی ایف آئی آر میں ملزم نہیں ہیں۔ وہ دہلی میں ای ڈی کے سامنے بھی پیش ہو چکے ہیں۔ ایک سے زائد مرتبہ تفتیش میں شامل ہو چکے ہیں۔ سپریم کورٹ کے حکم کے بعد ای ڈی نے کوئی نیا سمن جاری نہیں کیا ہے ۔ ابھیشیک 29 مارچ کو اپنے تمام دستاویزات کے ساتھ ای ڈی کے سامنے پیش ہوچکے ہیں۔ یہ کبھی نہیں کہا جا سکتا کہ ابھیشیک ای ڈی کے ساتھ تعاون نہیں کر رہی ہے ۔ اس کے بعد ابھیشیک کو بیرون ملک سفر کی اجازت مل گئی۔اس سے پہلے ، ابھیشیک بنرجی نے ہائی کورٹ میں فوری سماعت کی درخواست کی تھی۔ ابھیشیک کی فوری درخواست کی سماعت جمعرات کو دوپہر 2 بجے وویک چودھری کی عدالت میں شروع ہوئی۔
