ممبئی: ٹی وی اور فلم اداکار علی گونی نے رمضان المبارک کے مہینے میں عمرے کی ادائیگی کی سعادت حاصل کی ہے۔ اداکار نے اپنے آفیشل فوٹو اینڈ ویڈیو شیئرنگ پلیٹ فارم انسٹاگرام اکاؤنٹ پر خانہ کعبہ سے اپنی تصاویر شیئر کی ہیں جو وائرل ہیں۔ ایک تصویر میں علی بیت اللہ کے سامنے جبکہ دوسری تصویر میں دیکھا جاسکتا ہے کہ علی نے اپنے سر کے بال منڈوا لیے ہیں۔ اس تصویر کے ساتھ اداکار نے انکشاف کیا کہ انہوں نے پہلی مرتبہ عمرہ کی ادائیگی کے دوران اپنا سر منڈوایا ہے۔ پوسٹ کے کیپشن میں علی گونی نے حدیث مبارک کا حوالہ دیتے ہوئے لکھا کہ حضرت محمد صلی اللہ علیہ وسلم کے فرمان کے مطابق رمضان میں عمرہ کی ادائیگی کا حج کے برابر ثواب ہے۔مداح اور انسٹاگرام صارفین علی گونی کو عمرہ کی ادائیگی پر مبارکباد دے رہے ہیں اور ان کیلئے نیک تمناؤں کا اظہار کررہے ہیں۔
