تہران : ایران نے اقوام متحدہ کی سلامتی کونسل کی قرارداد کے مسودے کو ویٹو کرنے کی مذمت کی جس میں انسانی وجوہات کی بناء پر غزہ میں فوری جنگ بندی کی درخواست کی گئی تھی۔ایرانی وزارت خارجہ کے ترجمان ناصر کنعانی نے اپنے تحریری بیان میں جنگ بندی کے مطالبے کے بل کو امریکی ویٹو کی مذمت کرتے ہوئے کہا: امریکی انتظامیہ کی انسان دشمن اور نسل پرستانہ پالیسیوں کی وراثت کا آئندہ نسلوں تک پہنچنا شرمندگی اور بے عزتی کے سوا کچھ نہیں ہو گا۔کنعانی نے امریکہ کے اسرائیل کے جنگی جرائم میں شراکت دار ہونے کی وضاحت کرتے ہوئے کہا اس بات پر زور دیا کہ جنگ کا دائرہ وسیع کرنے کے نتائج کے ذمہ د ار واشنگٹن اور تل ابیب انتظامیہ ہو گی۔ملائیشیا کے وزیر اعظم انور ابراہیم نے بھی غزہ میں فوری انسانی بنیادوں پر جنگ بندی کا مطالبہ کرتے ہوئے اقوام متحدہ کی سلامتی کونسل میں مسودہ قرارداد پر امریکہ کے ویٹو پر ردِ عمل مظاہرہ کیا۔پریس سے بات کرتے ہوئے انور ابراہیم نے کہا، “ملائیشیا کی حکومت کی جانب سے، میں غزہ میں فوری انسانی بنیادوں پر جنگ بندی کا مطالبہ کرنے والی اقوام متحدہ کی سلامتی کونسل کی مسودہ قرارداد پر امریکی ویٹو کی شدید مذمت اور احتجاج کرتا ہوں۔”
