حیدرآباد ۔ 5 ۔ ستمبر : ( راست ) : مولانا ضیا عرفان حسامی قادری شاعر و خطیب فرزند مولوی جمال محمد مرحوم کا 4 ستمبر کو انتقال ہوگیا ۔ نماز جنازہ شاہی مسجد باغ عامہ میں بعد نماز عصر مولانا حسام الدین ثانی عامل نے پڑھائی جب کہ خطیب شاہی مسجد باغ عامہ مولانا احسن الحمومی نے دعا کی ۔ درگاہ حضرات یوسفینؒ میں تدفین عمل میں آئی ۔ مولانا ضیا عرفان حسامی کئی ادبی و مذہبی انجمنوں کے سربراہ تھے ۔ مسجد عظیمہ گنڈی پیٹ اور مسجد بہادر یار جنگ بیگم بازار کے خطیب کی حیثیت سے بھی خدمات انجام دیں ۔ مرحوم ، جناب جابر پٹیل مرحوم کانگریس قائد و صدر انڈو عرب فرینڈ شپ فاونڈیشن اور مرزا مجاہد اللہ بیگ کے خسر تھے ۔ پسماندگان میں اہلیہ کے علاوہ تین فرزندان اور دو دختران شامل ہیں ۔ فاتحہ سیوم 6 ستمبر بروز جمعہ بعد نماز جمعہ شاہی مسجد باغ عامہ میں مقرر ہے ۔۔
٭٭ جناب محمد عبدالکریم قادری ولد جناب لال محمد مرحوم ریٹائرڈ میڈیکل اینڈ ہیلت ڈپارٹمنٹ کا مختصر علالت کے بعد 5 ستمبر 2024 بروز جمعرات کو بعمر 73 سال انتقال ہوگیا ۔ نماز جنازہ بعد نماز عصر مسجد خلفائے راشدین میں ادا کی گئی اور تدفین قبرستان سید علی چبوترہ میں عمل میں آئی ۔ فاتحہ سیوم بروز جمعہ بعد نماز عصر مسجد خلفائے راشدین میں مقرر ہے ۔ پسماندگان میں اہلیہ کے علاوہ 3 لڑکے اور ایک لڑکی شامل ہیں ۔ مزید تفصیلات کے لیے 9000764342 ۔ 9966194211 پر ربط کریں ۔۔
