بیجنگ: چین میں پرانی گاڑیوں کے کباڑ کا ایک مرکز ہے، جسے دنیا کا سب سے بڑا گاڑیوں کا قبرستان بھی کہا جاتا ہے۔نجی ٹی وی کی رپورٹ کے مطابق چین میں لوگ اپنی پرانی گاڑیوں کو کباڑ میں فروخت کردیتے ہیں، جس کا ڈھیر ایک جگہ جمع ہوکر لاکھوں گاڑیوں کا قبرستان بن چکا ہے۔اعدادوشمار کے مطابق 2019 میں چین میں چھوٹی بڑی گاڑیوں کی تعداد 26 کروڑ تک تھی۔ ان میں سے اب 19 لاکھ متروک ہوچکی ہیں۔یہ گاڑیاں مختلف جگہوں پررکھی جاتی ہیں جہاں یہ کباڑ میں بدل جاتی ہیں۔ کاروں کا ایسا ہی ایک قبرستان چینی شہر ہینگ زو میں بھی موجود ہے جو چینی صوبے ڑیجیانگ کا ایک بڑا شہر ہے۔ہینگ زو میں اس وقت چھوٹی بڑی کاروں کی تعداد ایک لاکھ سے زائد ہے جہاں ایک پر ایک کاروں کا پہاڑ بن چکا ہے۔زیادہ استعمال شدہ اور دھواں چھوڑنے والی ہزاروں گاڑیوں کو ہر سال روڈ سے ہٹاکر یہاں لایا جاتا ہے۔
