نئی دہلی۔ ہندوستان کے سابق کرکٹر ہربھجن سنگھ نے ایم ایس دھونی پر زور دیا ہے کہ وہ دل نہ توڑیں اور اپنے مداحوں کے جذبات کو ٹھیس نہ پہنچائیں اور کہا کہ چینائی سوپرکنگس کے کپتان کو آئی پی ایل میں کھیلتے رہنا چاہئے کیونکہ ان کے پاس بہت ساری کرکٹ باقی ہے۔ اتوارکو آئی پی ایل 2023 کے ایک میچ میں توجہ ایک بار پھر دھونی پر مرکوز ہوگئی اور سی ایس کے کے کپتان ایک کے کے آر ٹیم کے خلاف دو اہم پوائنٹس اکٹھا کرنے کے لیے بے تاب نظر آئے ۔ زیادہ تر نمبر7 یا 8 پر بیٹنگ کرتے ہوئے دھونی نے سیزن میں اب تک 204.25 کے متاثر کن اسٹرائیک ریٹ کے ساتھ 12 میچوں میں 96 رنز بنائے ہیں۔ایم ایس دھونی نے وقت روک دیا ہے۔ وہ اب بھی وہی پرانا دھونی نظر آرہا ہے۔ وہ وہ بڑے شاٹس مار رہا ہے، وہ سنگلز لے رہا ہے۔ اگرچہ وہ اپنی پوری رفتار سے نہیں بھاگ رہا ہے لیکن وہ وہ چھکے آرام سے مار رہا ہے اور اب بھی بیٹ سے خطرناک لگتا ہے۔ ان کے کھیل کے روک جانے سے ہمارے جذبات کو ٹھیس پہنچتی ہے ۔ہربھجن نے کہا کہ آپ کو کھیل جاری رکھنا چاہیے۔ ہربھجن نے اسٹار اسپورٹس کے کرکٹ لائیو پر دھونی کے تعلق سے مذکورہ خیالات کا اظہار کیا ۔دریں اثنا ہندوستانی سابق کپتان متھالی راج نے شور کو دور رکھنے اور ٹیم کو وہ کام کرنے میں مدد کرنے کے لئے چینائی سوپر کنگس کے کپتان کی تعریف کی ہے جنہیں ان کی مستقل مزاجی کے لئے جانا جاتا ہے۔جب کوئی کھلاڑی اپنے کیریئر کے آخری سرے پر پہنچتا ہے تو بہت شور ہوتا ہے۔ ایم ایس دھونی نے اس شورکو شاندار طریقے سے بند کیا اور اس سیزن میں آہستہ آہستہ اپنی ٹیم کی رہنمائی کی۔
