نئی دہلی: دہلی کی ہوا کا معیار اتوار کو کچھ بہتر ہوا ہے اور یہ ‘بے حد خراب’ سے ‘سنگین ’ کیٹیگری میں بتایا گیا ہے ۔ ہندوستانی محکمہ موسمیات (آئی ایم ڈی) نے یہ اطلاع دی ہے ۔محکمہ موسمیات نے کہا کہ اتوار کو ہوا کا معیار اسی زمرے میں رہنے کا امکان ہے ۔ محکمہ موسمیات کے مطابق دہلی میں ہوا کے معیار کا مجموعی انڈیکس 343 ریکارڈ کیا گیا ہے ۔محکمہ موسمیات نے کہا، ‘ہوا کا معیار خراب ہونے کا اندیشہ ہے ، لیکن یہ اگلے دو دنوں تک ‘انتہائی خراب’ کے زمرے میں رہے گا اور پی ایم 2.5 سب سے اہم آلودگی کا باعث ہوگا’۔ محکمہ موسمیات نے کہا،‘ ہفتے کے روز پنجاب میں 3742 ہریانہ میں 210 اور اتر پردیش میں 95 مقامات پر فصل کے باقیات (پرالی) جلانے کے واقعات ہوئے ہیں’۔ اتوار کو کم ازکم درجہ حرارت 10.1 ڈگری سیلسیس ریکارڈ کیا گیا جو معمول سے تین درجے کم ہے اور آج زیادہ سے زیادہ درجہ حرارت 26 ڈگری سیلسیس رہنے کا امکان ہے ۔ سسٹم آف ایئر کوالٹی، ویدر فورکاسٹنگ اینڈ ریسرچ (ایس اے ایف اے آر) کے مطابق دارالحکومت کا ایئر کوالٹی انڈیکس 342 ریکارڈ کیا گیا۔ایس اے ایف اے آر نے کہا کہ اگلے دنوں میں دہلی میں ہوا کا معیار بہتر ہونے کا امکان ہے ۔
