دہلی: ہندو سینا نے بابر روڈ کے بورڈ پر کالک پوت دی، سڑک کانام بدلنے کا مطالبہ

,

   

نئی دہلی: قومی دارالحکومت نئی دہلی میں واقع بابر روڈ کے سائن بورڈ پر لکھا بابر روڈ پر ہندو سینا نے کالک پوت دی اور اس روڈ کا نام بدلنے کا مطالبہ کیا۔ یہ واقعہ ہفتہ کی صبح پیش آیا۔ہندو سینا کا کہنا ہے کہ سڑک کا نام عظیم ہندوستانیوں کے نام پر ہونا چاہئے نہ کہ بیرونی شخص کے نام پر جیسے بابر ہے اس نے ہندوستان پر حملہ کیا تھا۔

ہندوسینا کے مطابق پہلا مغل بادشاہ ایک ظالم شخص تھا۔نئی دہلی میونسپل کونسل کے عملہ کو سائن بورڈ سے کالا رنگ صاف کرتے دیکھا گیا۔ واضح رہے کہ بی جے پی اقتدار میں آنے کے بعد اورنگ زیب روڈکو سابق صدر جمہوریہ اے پی جے عبدالکلام کے نام پر رکھ دیا ہے۔