لندن : یورپ کے مختلف ممالک میں شدید برفباری سے نظام درہم برہم ہو گیا جبکہ روس کے علاقے سائبیریا میں درجہ حرارت منفی 56 ڈگری سنٹی گریڈ تک پہنچ گیا۔ غیر ملکی میڈیا کے مطابق جرمنی، فرانس، سکاٹ لینڈ اور دیگر یورپی ممالک میں شدید برفباری جاری ہے، برفباری کے باعث جنوبی جرمنی میں ائیرپورٹس کے رن وے برف سے ڈھک گئے، جس کے نتیجے میں متعدد پروازیں معطل ہو گئی ہیں، فرانس میں بھی برفباری کی وجہ سے موسم شدید ٹھنڈا ہو گیا، روس کے دارالحکومت ماسکو میں 40 سینٹی میٹر تک برفباری ریکارڈ کی گئی۔
