نئی دہلی: سپریم کورٹ زیر التوا مقدمات کو جلد نمٹانے کے لیے بہت سنجیدہ ہے۔ اب سپریم کورٹ زیر التواء کیس کی منتقلی کی درخواستوں اور ضمانت کی درخواستوں کو جلد نمٹانے سے متعلق روزانہ سماعت کرے گی۔ سپریم کورٹ کا ہر بنچ اب روزانہ 10 ٹرانسفر پٹیشنز اور 10 ضمانت کی درخواستوں پر نمٹائے گا۔ یہ فیصلہ سپریم کورٹ میں ہونے والی فل کورٹ میٹنگ میں کیا گیا ہے سی جے آئی جسٹس ڈی وائی چندر چوڑ نے عدالت میں کہا کہ یہ فیصلہ تمام ججوں کی میٹنگ میں متفقہ طور پر لیا گیا ہے۔ اب موسم سرما کی تعطیلات سے پہلے تمام 13 بنچ روزانہ 10 ٹرانسفر درخواستوں اور 10 ضمانت کی درخواستوں کی سماعت کریں گے سی جے آئی چندر چوڑ نے کہا کہ ججوں سے درخواست ہے کہ سپلیمنٹری کیسز رات کو شامل نہ کیے جائیں۔ ججز نے کہا کہ وہ آدھی رات 12 تک کیس کی فائلیں پڑھتے ہیں اور پھر صبح انہیں پتہ چلتا ہے کہ دس نئے کیسز کا اضافہ ہوا ہے۔ انہوں نے کہا کہ ہم اب اس بوجھ کو کم کرنا چاہتے ہیں آپ کو بتا دیں کہ مارچ میں مرکزی حکومت نے لوک سبھا میں بتایا تھا کہ ملک کی مختلف عدالتوں میں 4.70 کروڑ سے زیادہ کیس زیر التوا ہیں۔ ان میں سے سپریم کورٹ اور ملک کی 25 ہائی کورٹس میں 70 سے زائد کیسز زیر التوا ہیں جن کی تعداد 58 لاکھ سے زائد ہے۔
