اسلام آباد: سعودی عرب نے ایک بار پھر پاکستان کی مالی امداد بحال کرنے کا اعلان کیا ہے ۔اس مالی امداد پر اتفاق وزیراعظم عمران خان کے رواں ہفتے دورہ سعودی عرب کے دوران ہوا تھا۔ تاہم اس رپورٹ کے مطابق اس کا باضابطہ اعلان وزیر اعظم کے مشیر برائے خزانہ اور محصول شوکت ترین اور وزیر توانائی حماد اظہر چہارشنبہ کو ایک پریس کانفرنس میں کریں گے۔ حکام کا کہنا تھا کہ سعودی حکومت پاکستان کو فوری طور پر ایک سال کیلئے تین ارب ڈالر اور تیل کی ادائیگیوں کیلئے دیڑھ ارب ڈالر سالانہ امداد فراہم کرے گی۔