نئی دہلی :دہلی شراب پالیسی اسکام کے ملزم منیش سسودیا کیخلاف ای ڈی کے ذریعہ داخل چارج شیٹ پر عدالت 10 مئی کو غور کرے گی۔ دہلی کی راؤز ایوینیو کورٹ کے اسپیشل جج ایم کے ناگپال نے معاملے میں ای ڈی کی چوتھی سپلیمنٹری چارج شیٹ پر نوٹس لینے سے متعلق سماعت کیلئے 10 مئی کی تاریخ مقرر کی ہے۔عدالت میں ای ڈی نے بتایا کہ وہ پیر تک معاملے سے جڑے دستاویزات کی سافٹ کاپی سی ڈی یا پین ڈرائیو کے ذریعہ سے جمع کروا دیں گے۔ ساتھ ہی ای ڈی نے زبانی طور پر بتایا کہ معاملے میں 622 کروڑ روپے کی بدعنوانی سے آمدنی ہوئی اور سرکاری خزانے کو نقصان پہنچا ہے۔
