جموں ۔ عام آدمی پارٹی نے ہفتہ روز یہاں جموں وکشمیر میں بڑھتی ہوئی بے روزگاری اور کرپشن کے خلاف احتجاج درج کیا۔ احتجاجیوں نے ہاتھوں میں ترنگے اور بینرس اٹھا رکھے تھے اور وہ جم کر نعرہ بازی بھی کر رہے تھے ۔ اس موقع پر ایک احتجاجی نے میڈیا کے ساتھ بات کرتے ہوئے الزام لگایا کہ جموں کشمیر میں بے روزگاری اور کرپشن بڑھ رہا ہے ۔ انہوں نے کہا کہ بے روزگار اور کرپشن میں جموں و کشمیر کو موجودہ سرکار نے بلند سطح پر پہنچایا ہے ۔ ان کا کہنا تھا کہ جس دن عام آدمی پارٹی کی سرکار قائم ہوگی ہماری کرپشن کے خلاف زیرو ٹالینرس کی پالیسی ہوگی۔ ایک احتجاجی خاتون نے کہا کہ بی جے پی سرکار کرپشن اور بے روزگاری کو دور کرنے میں ناکام ہوئی ہے ۔ انہوں نے کہا کہ جموں شہر کو مندروں کا شہر کہا جاتا تھا لیکن آج یہ احتجاجوں کا شہر بن گیا ہے ۔ ان کا کہنا تھا کہ یہاں آئے روز نوجوان اپنے مطالبوں کو لے کر سڑکوں پر ہوتے ہیں لیکن سرکار ٹس سے مس نہیں ہوتی ہے ۔
