پیرس ۔ 24ڈسمبر ۔(سیاست ڈاٹ کام) فرانس میں پنشن اصلاحات کے خلاف وسیع پیمانے پر ہڑتال اور احتجاجی مظاہروں کے درمیان پیر کو دارالحکومت پیرس میں ریلوے ملازمین اور پولیس کے درمیان جھڑپ ہوئی۔اخبار دی گارڈین کی رپورٹ کے مطابق مظاہرین پیر کی صبح گیرے ڈی لین میٹرو اسٹیشن کے قریب جمع ہوئے ۔ چھٹیوں کی وجہ سے میٹرو اسٹیشن کے گرد و نواح کافی بھیڑ تھی۔ مظاہرین نے وہاں موجود بھیڑ کو مجمع کو خطاب کرتے ہوئے مجوزہ پنشن اصلاحات کی سخت تنقید کی۔فرانسیسی صدر ایمانوئل میکرون نے مظاہرین سے کرسمس کے پیش نظر احتجاج بند کرنے کی اپیل کی ہے ۔ فرانس میں کاروباری طبقہ پنشن اسکیم میں مجوزہ اصلاحات سے بہت ناراض ہیں اور اس کی مخالفت کر رہے ہیں۔ یہ احتجاج 5 ڈسمبر سے ہورہے ہیں۔حکومت کا نئی تجاویز کے تحت ریٹائرمنٹ کی عمر بڑھانے کا منصوبہ ہے ۔
