لاہور : پاکستان کو ایشین کرکٹ کونسل (اے سی سی) کی صدارت مل گئی، چیئرمین پاکستان کرکٹ بورڈ (پی سی بی) محسن نقوی اے سی سی کے نئے صدر بن گئے۔ ایشین کرکٹ کونسل نے محسن نقوی کی بطور صدر تعیناتی کا باضابطہ اعلان کر دیاگیا ۔اس سلسلے میں محسن نقوی کا کہنا تھا کہ ایشین کرکٹ کونسل کی صدارت سنبھالنے پر فخر محسوس کر رہا ہوں، کرکٹ کی بہتری کیلیے تمام ممبر بورڈز کے ساتھ مل کر کام کریں گے۔انکا یہ بھی کہنا تھا کہ نئے مواقع فراہم کریں گے، تعاون کو فروغ دیں گے، ایشیائی کرکٹ کو بے مثال بلندیوں پر لے جائیں گے۔
