نئی دہلی۔ رائل چیلنجرز بنگلور (آر سی بی) کے فاسٹ بولرمحمد سراج دہلی کیپٹلز کے وکٹ کیپر بیٹر فل سالٹ کے خلاف اپنا آپا کھو بیٹھے اور ارون جیٹلی اسٹیڈیم میں آئی پی ایل 2023 کے میچ نمبر 50 کے دوران دونوں میں گرما گرم بحث ہوئی ۔ یہ واقعہ دہلی میں رنزکے تعاقب کے دوران پاور پلے کے آخری اوور میں پیش آیا۔ سالٹ جو شاندار فام میں تھے، نے سراج کو 6,6 اور 4 مارا، جس نے سراج کو جھنجھوڑ دیا۔ واپسی کی کوشش کرتے ہوئے سراج نے سالٹ کو ایک شارٹ پچ کی گیند کی امپائر نے اسے وائیڈ کہا۔29 سالہ سراج امپائر کے فیصلے سے بالکل بھی خوش نہیں تھے جب وہ سالٹ کے قریب پہنچے اور دونوں میں تبادلہ ہوا۔ڈی سی کے کپتان ڈیوڈ وارنر نے ایک امن ساز کے طور پر کام کرنے کی کوشش کی، لیکن سراج اپنے پہلے آئی پی ایل کپتان کی بات سننے کے موڈ میں نہیں تھے اور ان کے ساتھ بھی یہی سلوک کیا۔ سراج کو کچھ اشارے کرتے ہوئے بھی دیکھا گیا، سالٹ کو خاموش رہنے کو کہا۔آخر کار، آن فیلڈ امپائر نے مداخلت کی اور صورتحال کو ختم کیا۔ سالٹ نے مقابلے میں ویراٹ کوہلی اور مہیپال لومرور کی نصف سنچریوں کو پیچھے چھوڑنے کے لیے ایک غیر معمولی نصف سنچری (45 پر87 رنز) بنا کر دہلی کیپٹلز کو رائل چیلنجرز بنگلور پر سات وکٹوں کی کامیابی دلوائی ۔
