رامپور ۔ بی جے پی کے سینئر لیڈر و سابق مرکزی وزیر مختار عباس نقوی نے مہنگائی کے مسئلے پر کالے کپڑے پہن کر کئے گئے کانگریس کے احتجاجی مظاہرے پر طنز کستے ہوئے کہا کہ اپوزیشن مودی فوبیا کے سیاسی مرض سے متاثر ہیں اور عوام ایسے لوگوں کے کالے ۔گورے منتر کو چھومنترکر دے گی۔ آزادی کے امرت مہوتسو پر یہاں منعقد مختلف پروگراموں حصے لینے آئیے نقوی نے کہا کہ وزیر اعظم نریندر مودی کے محنت کے نتیجے اور تپسیا کی طاقت کوگھسے پٹے پالیٹکل نظام نہ کمزور کر سکتے ہیں اور نہ ہی اسے شکست دیا جاسکتا ہے ۔ نقوی نے اپوزیشن جماعتوں کے اتحاد پر طنز کسا اور کہا کہ اپوزیشن میں دو درجن وزیر اعظم کے امیدواروں کی ویٹنگ لسٹ ابھی سے بن گئی ہے ۔ اسے کہتے ہیں بغیر ویکنسی کے رونا۔ انہوں نے کہا کہ تمام طرح کی سیاسی عدم برداشت اور من گڑھت الزامات کے باوجود وزیر اعطم نریندر مودی مجموعی ترقی،ہمہ گیربااختیاری کے عزم کے ساتھ کام کررہے ہیں۔ انہوں نے کہا کہ پی ایم مودی کیلئے ملک کی سیکورٹی اور احترام ہی قومی پالیسی ہے اور ہر ضرورت مند کی فلاح قومی مذہب ہے ۔ نقوی نے کہا کہ ملک کی آزادی کے 75سال پورے ہونے کی مناسبت سے آزادی کے امرت مہوتسو کے تحت’ہر گھر ترنگا مہم’کا آغاز ہوگیا ہے ۔ یہ مہم ملک کے لوگوں کو اپنی سنہری وراثت اور تاریخ سے جوڑنے میں اہم کردار نبھا رہا ہے ۔ اس لئے آزادی کا امرت مہوتسو ایک عوامی تحریک کی شکل لے رہا ہے ۔ نقوی نے مہاتما گاندھی اسٹیڈیم(فیزیکل گراونڈ) میں منعقد شاندار ترنگا۔پتنگ پروگرام میں حصہ لیا۔
