ینگون23جون (سیاست ڈاٹ کام ) میانمار میں رخائن صوبہ کے ستوے میں فوج کی ایک دیگر کشتیوں کو کھینچنے والی کشتی پر راکٹ حملے میں تین فوجیوں کی موت ہوگئی۔دفاعی سروس کے چیف کمانڈر کے دفتر نے اتوار کو بتایا کہ باغی تنظیم اراکن آرمی نے مقامی وقت کے مطابق سنیچر کی صبح سویرے تین بجکر 45منٹ پر ساحل پر کھڑی کشتی پر تین راکٹ داغے ۔ حملے میں تین فوجیوں کی موت ہوگئی اور کشتی کے پچھلے حصہ کو نقصان پہنچا۔واقعہ کے بعد میانمار کے سلامتی دستوں نے اس علاقہ میں مہم چلائی جہاں سے اراکن آرمی کے اراکین نے راکٹ داغے تھے ۔ سلامتی دستوں نے ایک ٹائپ۔63ایم ایم راکٹ، دو بیٹری اور تار برامد کئے ۔
