پُرکشش ویڈیو اور پوسٹر بنانے پر انعام، الیکشن کمیشن کااعلان
حیدرآباد 3ستمبر(یواین آئی)الیکشن کمیشن نے رائے دہندوں کے طورپر اندراج کے لئے حوصلہ افزائی کے مقصد سے ایک پرکشش پوسٹر یا ویڈیو بنا نے پر 20,000 روپے انعام کا اعلان کیا ہے ۔تلنگانہ چیف الیکٹورل آفیسر کا دفتر اس کے لیے کریتھون کے نام سے خصوصی ہیکاتھان کا انعقاد کر رہا ہے ۔ مرکزی الیکشن کمیشن کے زیراہتمام مختلف بیداری پروگرامس کا انعقاد کیا جا رہا ہے تاکہ انتخابی عمل میں حصہ لینے اور ووٹر لسٹ میں نام درج کروانے حوصلہ افزائی کی جاسکے ۔ مقابلے کا مقصد پرکشش، اختراعی اور تخلیقی پوسٹر اور ویڈیو بنانا ہے تاکہ شہریوں کو ووٹر لسٹ میں نام درج کرانے کی ترغیب دی جا سکے ۔ ان پوسٹرس کو تلگو، ہندی، انگریزی اور اردو زبانوں میں بنایا جاسکتا ہے ۔ پوسٹر 5 ایم بی سے زیادہ نہیں ہونا چاہیے اور ویڈیو 60 سکنڈ سے زیادہ نہیں ہونی چاہیے ۔ جیتنے والوں کو 20 ہزار روپے کا نقد انعام دیا جائیگا۔ پوسٹرس اور ویڈیوز بھیجنے کی آخری تاریخ 16 ستمبر مقرر کی گئی ہے ۔
