پارٹی میں سادہ ہیئر اسٹائل کی بجائے ذرا سی محنت سے آپ ایسے ہیئر اسٹائل بھی بنا سکتی ہیں جو آپ کی شخصیت کو منفرد بناتے ہیں۔ان ہیئر اسٹائلز کو بنانے کیلئے آپ کا ماہر آرائش گیسو ہونا ضروری نہیں۔چند ہیئر پراڈکٹس اور پنوں و ربر بینڈ سے آپ بھی شاندار ہیئر اسٹائلز تخلیق کر سکتی ہیں۔بالوں کو شیمپو کر کے خشک کر لیں۔درمیانی مانگ نکال کر دونوں جانب فرنچ بریڈ کی طرح چوٹی بنا لیں اور سروں کے آخر میں ربر بینڈ لگا لیں۔سروں سے چوٹیاں تھوڑی کھول دیں اور اسپرے کر لیں۔
گھنگھریالا اسٹائل: سب سے پہلے بالوں کے سروں پر اسپرے کریں تاکہ وہ گھنے محسوس ہوں بالوں کو علیحدہ علیحدہ کرتے ہوئے ٹونگ کی مدد سے بالوں کے سروں کو گھنگھریالہ کر لیں پھر ہر گھنگھر کھول کر اس پر ہیئر اسپرے کر لیں تاکہ بال جاندار اور چمکدار لگیں۔
ڈھیلا جوڑا : بالوں پر اچھی طرح Volumising اسپرے کر دیں پھر برش اور ڈرائیر سے بالوں کو گھنا کر لیں۔ایک جانب سے مانگ نکال لیں اور بالوں کو کندھے سے ذرا اُوپر ہلکے پونی ٹیل کی شکل دے لیں۔ربر بینڈ لگا لیں اب کرلنگ ٹونگ کی مدد سے پونی ٹیل کے بالوں میں ذرا سی لہریں پیدا کریں اور پھر ان بالوں کا پونی پن کی مدد سے‘جوڑا بنا لیں۔بالوں کی چند لٹیں جوڑے سے باہر نکال دیں۔مزید چمک کیلئے جوڑے پر ہیئر اسپرے کر دیں۔
گرم نما ہیئر اسٹائل: بالوں کو نرم بنانے والی کریم لگا لیں۔بالوں کے درمیان میں مانگ نکال لیں۔بالوں کو ایک جیسے دو حصوں میں تقسیم کریں اب دونوں جانب کے بالوں کی اونچی سی پونی ٹیل بنا کر ربر بینڈ لگا لیں۔پونی ٹیل کو گھما کر گرہ کی طرح باندھ لیں۔پنیں لگا لیں پھر دوسری جانب بھی ایسی ہی گرہ بنا لیں۔
انوکھا پونی ٹیل: بالوں کی لمبائی اور سروں پر ٹیکسچر اسپرے کر لیں۔ایک اونچی سی پوتی بنا کر ربر بینڈ لگا لیں۔چند لٹیں جوڑے سے باہر نکال لیں اور شائن ہیئر اسپرے کر دیں ۔ لیجیے تھوڑی سی محنت سے منفرد انداز کا ہیئر اسٹائل تیار ہے۔
