ماسکو، 16 جنوری (سیاست ڈاٹ کام) روس کے صدر ولادیمیر پوٹن آئین میں کچھ تبدیلیاں اور ترمیم کی تجاویز تیار کرنے والی ورکنگ کمیٹی کے ساتھ جمعرات کو ملاقات کریں گے ۔اس سے پہلے چہارشنبہ کو مسٹر پوٹن نے کابینہ اور آئین میں اصلاحات کو لے کر ایک خطاب کیا تھا، جس کے بعد صدر آج آئین میں ترمیم کا مسودہ تیار کرنے والی ورکنگ کمیٹی کے ساتھ ملاقات کریں گے ۔مسٹر پوٹن نے کہا تھا کہ وہ آئین میں تبدیلی کے حق میں ہیں اور اس کے ذریعہ کچھ اختیارات روسی وزیر اعظم اور دیگر کو منتقل کرنے کے حق میں ہیں۔اس کے علاوہ صدر نے اعلیٰ سطحی روسی سیاسی شخصیات کو غیر ملکی شہریت یا بیرون ملک میں رہنے کی اجازت اور کسی بھی شخص کے صدر بننے کے لئے روس میں کم از کم 25 سال رہنے یا کسی دوسرے ملک کا شہری نہ ہونے کی شرط کی تجویز بھی شامل ہے ۔اس تجویز کو سیاسی گلیاروں میں اس نقطہ نظر سے بھی دیکھا جا رہا ہے کہ ایسا کر کے وہ بعد میں اپنے اقتدار کے امکانات تلاش کر رہے ہیں۔ مسٹر پوٹن کی مدت 2024 میں ختم ہو رہی ہے ، وہ 1999 سے کسی نہ کسی آئینی عہدے پر فائز ہوتے آئے ہیں۔ یہ ان کی صدارت کا چوتھا دور ہے ۔
