نئی دہلی، 6جون (یو این آئی) دہلی کے وزیر اعلیٰ ریکھا گپتا نے کہا کہ قومی راجدھانی میں ہر شہری کو پینے کا صاف فراہم کرنے کی ہماری کوششوں کے ضمن میں واٹر اے ٹی ایم کی سہولت کو مسلسل بڑھایا جا رہا ہے ۔ریکھا گپتا نے جمعہ کے روز یہاں شالیمار باغ میں واٹر اے ٹی ایم کا افتتاح کرنے کے بعد کہا کہ حکومت کا مقصد دہلی کو بہتر اور صاف ستھرا بنانا ہے ۔ انہوں نے کہا کہ حکومت کا مقصد دہلی میں ہزاروں پیاؤ قائم کرنا ہے تاکہ لوگوں کو صاف پانی فراہم کیا جا سکے ۔ انہوں نے کہا کہ دہلی کے تمام سرکاری اسکولوں میں واٹر کولر یا واٹر اے ٹی ایم لگائے جائیں گے ، جن سے بچے بھی مستفید ہوں گے ۔انہوں نے کہا کہ دہلی کو بہتر اور خوبصورت بنانا ہے ۔ وزیراعلیٰ نے کہا کہ سابقہ حکومت نے اپنے تعلیمی ماڈل کو بہترین سمجھا لیکن کمزور بچوں کوا سکول سے نکال دیا گیا۔ انہوں نے کہا کہ آج بھی حیدر پور کے علاقے میں سائنس کا ایک بھی ا سکول نہیں ہے ۔ اس علاقے کے بچوں کو سائنس پڑھنے کے لیے دوسرے علاقے میں جانا پڑتا ہے ۔وزیراعلیٰ نے کہا کہ انہوں نے خستہ حالا سکولوں کی مرمت کی ہدایات دی ہیں اور 175 ڈیجیٹل لائبریریاں کھولنے کا ہدف مقرر کیا گیا ہے ۔ انہوں نے کہا کہ دسویں جماعت میں اچھے نمبروں سے پاس ہونے والے 1200 طلبہ کو لیپ ٹاپ دیئے جائیں گے ۔
