چھتیس گڑھ کے وزیر اعلی بھوپیش بگھیل نے آج ایوان میں سال 2023-24 کا بجٹ پیش کیا۔ اس دوران انہوں نے کئی اہم اعلانات کئے۔ بجٹ پیش کرتے ہوئے وزیر اعلیٰ نے 18 سے 35 سال کی عمر کے بے روزگار نوجوانوں کو 2500 روپے بے روزگاری الاؤنس دینے کا اعلان کیا جن کی خاندانی آمدنی 2.5 لاکھ روپے سے کم ہے۔ اس کے ساتھ ہی آنگن واڑی کارکنوں کا الاؤنس 6500 سے بڑھا کر 10,000 کرنے کا اعلان کیا گیا ہے۔ ساتھ ہی آنگن واڑی معاونین کا الاؤنس 3,550 روپے سے بڑھا کر 5,000 روپے کر دیا گیا ہے۔ودھان سبھا میں ریاستی بجٹ پیش کرتے ہوئے، سی ایم بھوپیش بگھیل نے رائے پور میں ڈاکٹر بی آر امبیڈکر میموریل ہسپتال میں 700 بستروں کی عمارت کی ترقی کے لیے 85 کروڑ روپے کی فراہمی کا بھی اعلان کیا۔
