کولکتہ ۔ طاقت سے بھرے بولنگ یونٹ پر فخر کرتے ہوئے دوبارہ کامیابی کی سمت گامزن ہونے والی گجرات ٹائٹنز کولکتہ نائٹ رائیڈرس کے خلاف ہفتہ کو یہاں آئی پی ایل میں میدان میں اترے گی تودونوں ٹیموں کے درمیان ایک دلچسپ ٹکراؤ متوقع ہے۔ میزبان ٹیم کی غلط سمت مہم آخرکار اس وقت پٹری پر آگئی جب انہوں نے بنگلور میں جیت کے ساتھ اپنے چار میچوں میں ہارنے والے سلسلے کو ختمکیا۔ رواں سیزن میں ان کی کیریبین اسٹار جوڑی آندرے رسل اور سنیل نارائن کو ابھی بہتر مظاہرہکرنا باقی ہے، کے کے آر جیسن رائے کی شکل میں ٹرمپ کارڈ مل سکتا ہے۔ انگلش کھلاڑی نے نتیش رانا، رنکو سنگھ اور ڈیوڈ ویزکی طرح کی نصف سنچری کی مدد سے ردھم قائم کیا اور رائل چیلنجرز بنگلور کے خلاف 201 کا کامیاب اسکور بنانے میں اہم رول اداکیا۔ سیزن کے صرف اپنے چھٹے میچ میں شامل رائے کے تین میچوں میں 43، 61 اور 56 کے اسکور ہیں اور کے کے آرکی بیٹنگ ایک بار پھر رائے کے ارد گرد مرکوز ہوگی۔اس جیت نے کے کے آرکو 10 ٹیموں کی فہرست میں ساتویں نمبر پر پہنچا دیا لیکن انہیں پلے آف میں جگہ بنانے کے لیے ابھی بہت طویل سفر طے کرنا ہے۔ یہاں سے،کے کے آر (چھ پوائنٹس)کو اپنے آپ کو پلے آف میں جگہ یقینی بنانے کے لیے اپنے بقیہ چھ میچوں میں سے کم از کم پانچ جیتنا ہوں گے۔چھ میچوں میں سے، کے کے آر دو باہر کے میدان میں میچ کھیلے گا، جس میں ایک چینائی میں بھی شامل ہے، اور کپتان رانا اورکوچ چندرکانت پنڈت کی فی الحال تمام تر توجہ پانڈیا کی زیرقیادت دفاعی چمپئنز گجرات کے خلاف ہوگی۔پانڈیا نے ایک بہترین ٹی20 قیادت اور ٹیم پیش کی ہے اور قریبی میچوں پر مہر لگانے کی ان کی صلاحیت نے سب کی توجہ ان کی جانب مبذول کروالی ہے، خاص طور پر جب انہوں نے لکھنؤ سوپر جائنٹس کو 6 وکٹوں پر135 رنزکا دفاع کرتے ہوئے ٹیم کو کامیابی سے ہمکنار کیا تھا ۔
