نارووال۔5 اکتوبر۔(سیاست ڈاٹ کام) کینیڈا سے سکھ عقیدمندوں کی ایک بس سکھ فرقے کے پہلے گروبابا گرونانک دیو کی 550 ویں سالگرہ کے موقع پر تقریب میں حصہ لینے کیلئے پاکستان آ رہی ہے ۔ ایک سکھ کنبے نے اس خصوصی بس کا انتظام کیا ہے تاکہ عقیدت مند سکھ فرقے کے بانی گرونانک دیو کی سالگرہ کی تقریبات میں حصہ لینے پہنچ سکیں ۔ سوشل میڈیا پر اس سلسلے میں ایک ویڈیو وائرل ہوا ہے جس سے پتہ چلا ہے کہ یہ بس پیرس پہنچ چکی ہے ۔ ویڈیو میں بس میں باورچی خانہ، کھانے کی میز، بیت الخلاء اور سونے کی سہولیات دکھائی گئیں ہیں ۔ ڈان نیوز کے مطابق بس کے سامنے لکھا ہے ’’کرتارپور کی یاترا‘‘۔ بس میں کینیڈا سے ہندوستان کے سلطان پور لودھی ہوتے ہوئے کرتارپور پہنچنے کا نقشہ ہے ۔