حیدرآباد: تلنگانہ وزیر اعلی کے چندر شیکھر راؤ کا دعوی ہے کہ ان کی حکومت نے ریاست کے ہرگھر کو فراہم کیا ہے۔ لیکن کے سی آر کا یہ دعوی اس وقت کھوکھلا ثابت ہوا جب ریاست کے ایک ٹاؤن شپ الاکا پور میں پچھلے پانچ سال سے پانی نہیں پہنچایا جارہا ہے۔ جس سے مقامی شہریوں کو شدید تکالیف کاسامنا کرنا پڑرہا ہے۔ محکمہ واٹر سے کئی مرتبہ نمائندگی کرنے باوجود بھی کوئی کام نہیں ہوا۔
Hyderabad: Children from Alakaapoor Township have written to Telangana CM K. Chandrashekar Rao demanding supply of water to their area, state, "We need water, we are waiting for 5 years." pic.twitter.com/y5paS7251c
— ANI (@ANI) October 29, 2019
ہر جگہ سے ناکامی کا سامنا کرنے کے بعد الاکا پور کے معصوم بچوں نے چیف منسٹر تلنگانہ کے چندر شیکھر راؤ اور ان کے فرزند ریاستی وزیر بلدی نظم ونسق کے تارک راماراؤ کو ایک ایک خط لکھ کر یہاں کے حالات سے واقف کروایا ایک بچہ نے لکھ اپنے خط میں لکھا کہ ”کے سی آر سر! ہمیں بنیادی چیز (پانی) فراہم کیجئے۔ ہمیں پینے کا پانی چاہئے۔“ ایک اور بچہ نے لکھا کہ محترم کے سی آر صاحب! ہمیں پینے کا پانی چاہئے۔“ ایک بچہ نے کے ٹی آر کو خط لکھتے ہوئے کہا کہ ”ڈیئر کے ٹی آر انکل! ہمیں پانی کی سخت ضرورت ہے۔ ہم پچھلے پانچ سال سے پانی کا انتظار کرر ہے ہیں۔ ہمیں پانی کی ضرورت ہے۔ پانی، پانی، پانی۔ الاکاپور ٹاؤن شپ کو پانی کی سخت ضرورت ہے۔“ اب دیکھنا ہے کہ کیا ان معصوم بچوں کی گوہار رنگ لاتی ہے یا نہیں۔