ہانگ کانگ،25جنوری (سیاست ڈاٹ کام) ہانگ کانگ میں کروناوائرس کے تین نئے معاملے سامنے آئے ہیں اور اسکے ساتھ ہی یہاں انفیکشن میں مبتلا مریضوں کی تعداد بڑھ کر پانچ ہوگئی ہے ۔ تحفظ صحت کے محکمے کے مطابق چین کے ووہان سے یہاں آئے تین لوگوں کی جانچ میں کروناوائرس کی علامات پائی گئی ہیں۔مریضوں کی حالت مستحکم ہے اور انہیں اسپتال میں الگ سے نگرانی میں رکھاگیاہے ۔ہانگ کانگ میں کروناوائرس کا پہلا معاملہ 19 جنوری کو ٹرین سے چین سے آئی 62سالہ خاتون میں پایا گیاتھا۔اس خاتون نے 20جنوری کو بخار اور کھانسی کی شکایت کے بعد اسپتال میں جانچ کرائی،تو کرونا وائرس کی علامات پائی گئیں۔ اس کے بعد اس خاتون کے گھرکے دیگر افراد میں انفیکشن کی علامات پائی گئی ہیں۔ اس کے علاوہ ووہان سے 22جنوری کو ہانگ کانگ آئے 62سالہ اور 63سالہ ایک جوڑے میں بھی اس انفکیشن کی علامات پائی گئی ہیں۔سی ایچ پی کے مطابق 31دسمبر سے اب تک ہانگ کانگ میں کوروناوائرس کے 239مشتبہ معاملے پائے گئے ہیں،جبکہ پانچ مریضوں میں اس انفیکشن کے پائے جانے کی تصدیق ہوچکی ہے ۔
